Police 'Blame' Prostitution For 'Port Harcourt Serial Killer' - BBC Pidgin

Date: 14-09-2019 1:32 pm (1 year ago) | Author: Mister Jay Wonder
- at 14-09-2019 01:32 PM (1 year ago)

Police for Port Harcourt, Rivers state say make women no go into prostitution so dem no go fall victim of di kain killing wey dey happun for di area.

Last month, police confam di killing of three young women for hotels for different parts of di city and say two of dem die by strangulation wit white cloth around dia neck.

Wen im dey tok to some women wey do I-no-go-gree waka go police headquarters inside di state, Chuks Enwonwu, wey be number two police oga for Rivers say dem don get reports of di "serial killer."

Though im no tok weda police don confam say true-true dis pesin na serial killer, oga Enwonwu come advice di women to advice dia fellow women.

"In as much as values for society dey go back, make una go back to try to educate dem and discourage dem make dem no do prostitution, because na dia dem fit fall victim to dis kain crime," im tok.

But Soibi Ibibo Jack wey organise di protest waka tell BBC Pidgin say dia concern be say police dey describe all di women wey don die say dem be prostitutes, say dat wan no be true. She say "even if dem be sex workers, dia lives mata, dem be human beings."

Oga Enwonwu also tell di women say police don make some arrests concerning dis mata and say investigation still dey go on.

Enwonwu add say dem don get meetings wit management of hotels for di state on ways dem go do proper documentation of evri pesin wey come lodge for dia hotel and put cameras for place wey go capture pipo well so dem know who come and go from di hotels.

Posted: at 14-09-2019 01:32 PM (1 year ago) | Addicted Hero
- Kormeijama at 14-09-2019 01:52 PM (1 year ago)
Where are the  required CCTV s that all such places  must maintain for  occurrences .
Posted: at 14-09-2019 01:52 PM (1 year ago) | Upcoming
- tonyigho at 15-09-2019 08:37 AM (1 year ago)
Instead  the police will talk of installing cctv in all hotel's,  they are talking  different thing, have they not see a girl.who is not a prostitute but was killed  also, think of the security way of solving the problem  than talking  rubbish.
Posted: at 15-09-2019 08:37 AM (1 year ago) | Gistmaniac