WOW! Finally, Akpors Took Third Position, See How

Akpos no dey carry Last
Akpos :- Papa, See my result, Na me carry 3rd.

Papa Akpos :- Hahahaha, Akpos Akpos! Na now I know say
na me born you.
Akpos :- Shey I tell you na. All those time I dey carry
35th..Na the teachers dey do ojoro, They know say I too
brilliant.
Papa Akpos :- I believe you my boy. Na now I fit buy that
Bicycle wey you see for Papa Metus shop !
Akpos :- Papa na u biko. You get mouth pass BasketMouth.
Papa Akpos :- but, Who be the two idiots wey pass u sef
Akpos?
Akpos :- Na one WIZARD wey be Isaac and one WITCH wey
be Patience.
Papa Akpos :- No mind them, You go show them next term.
But who you come pass na? I no say dem plenty and you
no fit mention all of them, I just wan know how many of
una dey class.
Akpos :- Na just the three of us I don mention so na… Isaac,
Patience and Me. Na just the three of us PRINCIPAL put for
Elementary Class ‘F’ !!!
Na im Akpos papa just land for floor, gboossa, faint o!!

Posted: at 9-03-2016 08:27 AM (9 years ago) | Gistmaniac

hehehe akpos akpos i no trust you before nah
that your fake result....

Posted: at 10-03-2016 10:09 AM (9 years ago) | Hero

E get 1 time wey I go idumota, as I talk say make i open naijapals c wetin dem dey yarn. Na dis post I first c

Posted: at 11-03-2016 03:55 PM (9 years ago) | Addicted Hero